Presidenti amerikan Joe Biden dhe ai kinez Xi Jinping u takuan sot në Bali të Indonezisë në kuadër të samitit të G20.
Takimi i liderve të dy ekonomive më të mëdha të botës vjen në një moment delikat. Fokusi i takimit ishte ai i marrëdhënieve dyplëshe të cilat vitet e fundit kanë një ftohje e cila arriti kulmin me vizitën e Nensi Pelosit në Tajvan.Biden bëri thirrje për shmangie të tensioneve dhe rritjen e bashkepunimit mes dy vendeve.
JOE BIDEN
PRESIDENTI I SHBA
Si liderë të dy kombeve tona, ne ndajmë përgjegjësinë, për të treguar se Kina dhe Shtetet e Bashkuara mund të menaxhojnë dallimet mes tyre, të parandalojnë konkurrencën që të kthehet në një konflikt të afërt dhe të gjejmë mënyra për të punuar së bashku për çështje urgjentet globale që kërkojnë bashkëpunimin tonë të ndërsjelltë.
Nga ana tjetër presidenti kinez bëri thirrje për kujdes pasi bota sipas tij i ka sytë nga këto dy shtete.
XI JINPING
PRESIDENTI KINEZ
Aktualisht marrëdhënia Kinë-SHBA është në një situatë të tillë që të gjithë ne duhet të jemi të kujdeshëm. Si udhëheqës të dy vendeve kryesore, ne duhet të përcaktojmë kursin e duhur për marrëdhëniet e SHBA-së me Kinën. Duhet të gjejmë drejtimin e duhur për marrëdhëniet dypalëshe për të ecur përpara dhe ta lartësojmë marrëdhënien. Takimi ynë ka tërhequr vëmendjen e botës, kështu që ne duhet të punojmë me të gjitha vendet për të sjellë më shumë shpresë për paqen botërore, besim më të madh në stabilitetin global dhe shtysë të fortë për të përbashkët zhvillimi.
Presidenti kinez tha se ishte i gatshëm të kishte një shkëmbim të sinqertë dhe të thellë të pikëpamjeve me presidentin Biden për çështjet me rëndësi strategjike dhe për çështjet kryesore globale e rajonale.
