“Kryqëzimi në sytë e botës” për situatën në Gaza ka sjellë edhe reagimin e presidentit të SHBA, Joe Biden, mbi jetët e humbura të civilëve. Ndonëse SHBA është aleati më i madh i Izraelit, Biden deklaroi se forcat izraelite po humbasin mbështetjen globale. Ky ishte edhe qëndrimi më i ashpër ndonjëherë nga Shtëpia e Bardhë që nga sulmi i 7 tetorit nga Hamasi në Izrael.
Megjithatë ai rikonfirmoi aleancën mes dy vendeve edhe pse theksoi se bombardimet pa dallim po ‘lëkundin’ mbështetjen e shumë vendeve të botës.
“Siguria e Izraelit mund të mbështetet në Shtetet e Bashkuara, por tani ka më shumë se Shtetet e Bashkuara. Ka Bashkimin Evropian, ka Evropën, ka pjesën më të madhe të botës. Por ata po fillojnë ta humbasin atë mbështetje nga bombardimet pa dallim që ndodhin”,” tha ai.
Shumë superfuqi të botës kanë kërkuar armëpushim, ndërsa numri i civilëve të vrarë në Gaza rriten çdo ditë, mes të cilëve gra dhe fëmijë./vizionplus.tv/
