Lideri i ri i partisë Laburiste Chris Hipkins është betuar si kryeministri i 41-të i Zelandës së Re, një javë pas dorëheqjes së papritur të Jacinda Ardern.
Ajo e njoftoi largimin duke shpjeguar se “nuk kishte më energji” për të vijuar qeverisjen.
Ky vendim vjen pas pesë vjet e gjysmë në detyrë si dhe nëntë muaj para zgjedhjeve legjislative.
Ndërkohë gjatë fundjavës Hipkins mori mbështetje unanime në grupin parlamentar të Partisë Laburiste për të udhëhequr vendin,, teksa tani do të përballet me detyrën e vështirë për të mbajtur pushtetin deri në zgjedhjet e përgjithshme në muajin tetor.
Hipkins krijoi një reputacion të mirë si ministri pasi udhëhoqi strategjinë e Zelandës së Re kundër pandemisë së koronavirusit.
Vendi prej pesë milionë banorësh ishte ndër të parët që mbylli kufijtë kur u shpall pandemia.
Lufta kunder inflacionit dhe reformat ekonomike jane zotimet kryesore te kryeministrit 44-vjecar.
