3 kryetarët e komunave me shumicë serbe në veri të Kosovës po zhvillojnë sot ceremonitë e betimit.
Në një seancë solemne, në zyrat lokale në Zubin Potoku, i pari që u betua ishte kryetari i ri i kësaj komune, Izmir Zeqiri.
“Betohem se do t’i kryej detyrat dhe do t’i ushtroj kompetencat si kryetar i Komunës së Zubin Potokut me nderë e besnikëri, në mënyrë të paanshme me ndërgjegje dhe pajtim me ligjin, në mënyrë që të siguroj kushte një jetë të qetë për të gjithë”.
Ai theksoi se do t’i ofronte qytetarëve të Zubin Potokut të gjitha shërbimet pa asnjë dallim mes tyre.
“Të kryejmë të gjitha shërbimet e kërkesat e qytetarëve e sidomos komunitetit shumicë serb. Të jemi bashkë e unik në punët e përditshme. Të jemi sa më të fokusuar në respektimin e Ligjit të Republikës së Kosovës në tërë territorin e komunës së Zubin Potokut”,
Gjatë ditës do të zhvillohet edhe ceremonia e betimit të drejtuesve të rinj vendor të Zveçanit dhe Leposaviçit.
