Belgjika po lejon çdo familje të ftojë deri në katër persona në shtëpinë e tyre nga e diela, si pjesë e strategjisë së vendit për të lehtësuar kufizimet e koronavirusit.
Kryeministri Sophie Wilmès njoftoi planin për të lejuar “flluska sociale” javën e kaluar, duke vënë në dukje se ndarja nga miqtë dhe familja ishte bërë e padurueshme për disa.
Por policia belge ka thënë se plani do të jetë i pamundur për tu zbatuar.
Të premten, zëdhënësi i qeverisë Steven Van Gucht u bëri thirrje njerëzve të mendojnë me shumë kujdes se cilën familje duan të takojnë.
Vende të tjera, përfshirë Britaninë e Madhe, raportohet se po konsiderojnë lëvizje të ngjashme për t’i lejuar njerëzit të zgjerojnë grupet e tyre sociale.
