Presidenti Bajram Begaj, zhvilloi sot një takim të rëndësishëm me homologun e tij nga Gana, John Dramani Mahama, në kuadër të punimeve të Sesionit të 80-të të Asamblesë së Përgjithshme të Kombeve të Bashkuara në Nju Jork.
Në fokus të bisedës mes dy liderëve ishte thellimi i bashkëpunimit mes Shqipërisë dhe Ganës, me synim forcimin e marrëdhënieve politike dhe ekonomike ndërmjet dy vendeve.
Po ashtu, presidenti Begaj theksoi gjithashtu rëndësinë që ka njohja e Kosovës nga shtete të tjera si pjesë e përpjekjeve për forcimin e pozitës ndërkombëtare të saj.
“Sot në OKB, u takova me presidentin e Ganës, John Dramani Mahama, për të diskutuar avancimin e bashkëpunimit tonë dypalësh dhe shumëpalësh, si dhe për të konfirmuar njohjen e Kosovës nga Gana. Shqipëria mbetet e përkushtuar ndaj forcimit të pozitës ndërkombëtare të Kosovës”, shkruan Begaj.
Today at the UN 🇺🇳, I met with Ghana’s President @JDMahama to discuss advancing our bilateral and multilateral cooperation, and confirming Ghana’s recognition for Kosova.
Albania remains commited to Kosova’s strengthening of its international position.
🇦🇱🇽🇰🇬🇭 pic.twitter.com/W11H6BIVdS
— Bajram Begaj (@BajramBegajAL) September 23, 2025
