Kreu demokrat Lulzim Basha zhvilloi këtë të premte një bashkëbisedim me një grup studentësh ku diskutoi për një sërë çështjesh.
Duke u ndalur tek situata në arsim, Basha nuk nguroi të bënte fajtore për të gjitha problemet qeverinë.
Sipas Bashës, një nga shkaqet që investitorët e huaj nuk investojnë në Shqipëri është se nuk ka njerëz të kualifikuar për shkak se studentët mësojnë në kushte mizerabël.
Ai tha se PD në momentin që do të vijë në pushtet do të investojë më shumë fonde në arsim pasi e ka prioritet.
“Siguria ligjore këtu është zero. Investitorët e huaj sot firmosin kontratën, nesër u dalin në rrugë dhe I rrahin dhe I përcjellin andej nga kanë ardhur. Në shqipëri taksa për fitimin e koorporatave është 6 përqind më e lartë se sa në Kosovë, Maqedoni, Mal të Zi, madje dhe se në Hungari. Pse duhet të vijnë në Shqipëri kur u duhet të paguajnë më shumë taksa se në këto vende. Çfarë ka bërë ky shtet, kjo qeveri, që të ju garantojë investitorëve të huaj, njërëz të kualifikuar për fushat që ata kërkojnë, në fushat e teknologjisë së informacionit? Asnjë përparim domethënës! Pse? Sepse fakulteti I teknologjisë së informacionit në Tiranë, Durrës, Elbasan, është në kushte primitive. Mësohet kompjuteri me dërrasë të zezë dhe shkumës. Katastrofë! Inxhinierët e ardhshëm të teknologjisë së informacionit I marrin mësimet me dërrasë të zezë e shkumës, ndërkohë që Europa dhe rajoni po I kalon fëmijët e shkollës fillore me tablet. Qeveria duhet të ndajë fonde dhe qeveria e ardhëshme do të ndajë fonde dhe ju jap fjalen se qeveria e ardhëshme arsimin e lartë e ka prioritet absolute”
