Kreu i Partisë Demokratike, Lulzim Basha i përgjigjet akuzave të djalit të deputetit socialist.

 

Përmes një deklarate të shpërndarë për mediat Basha, e quan Rrajën përdhunues dhe thotë se para se të bënte këtë ishte i angazhuar në vjedhjen e zgjedhjeve.

 

Ndër të tjera kreu demokrat e akuzon Rrajën se ka vjedhur zgjedhje për të sjellë në pushtet Ramën.

 

“Para se të kthehej në përdhunues dhe torturues vajzash, Rexhep Rraja ishte dhunues zgjedhjesh. Rexhep Rraja dhe kriminelët e tjerë sollën në pushtet Edi Ramën, dhe pushteti i Edi Ramës e mbrojti atë nga dalja para drejtësië për vjedhjen e votave. Pushteti që i ati dhe Edi Rama mbajnë me votat e vjedhura, e mbrojtën Rexhepin edhe kur përdhunoi. Ishte denoncimi dhe presioni i shoqërisë dhe opozitës që e çuan Rexhepin në sallën e gjyqit. Prandaj Rexhepi është i habitur që ndodhet atje dhe kërcënon se do hakmerret kundër opozitës duke i vjedhur prapë zgjedhjet. Sepse Rexhepi e di mirë se kur vjedh zgjedhjet je zot që mund të bësh çfarë të duash, të grabisësh të përdhunosh të vrasësh. Që Rexhepi të mos dhunojë më, duhet që Edi Rama të mos ketë më pushtet!”

Leave a Reply

Your email address will not be published.