Një ditë pas rezultatit humbës në zgjedhjet e pjesshme vendore të 6 marsit, kryedemokrati Lulzim Basha ka mbledhur grupin parlamentar të PD-së.
Mësohet se lideri demokrat Basha ka thënë para deputetëve se 6 marsi ishte kurth pas 8 janarit dhe se u vendosën “para detyrimit për të marrë pjesë në zgjedhje”.
Basha gjithashtu deklaroi se rezultati i këtyre zgjedhjeve ka qenë larg pritshmërive.
6 marsi ishte beteja e parë zgjedhore mes Lulzim Bashës dhe Sali Berishës, por pavarësisht se Berisha e fitoi këtë betejë, asgjë nuk do të ndryshojë në Partinë Demokratike.
Nga ana tjetër, këto zgjedhje bënë të qartë se përballë kësaj opozite të përçarë, Partia Socialiste është më e fortë se asnjëherë më parë.
