Sekretari i Përgjithshëm i PD, Gazment Bardhi reagoi pas sherrit të regjistruar në Elbasan midis mbështetësve socialistë dhe demokratë.
Në “Facebook”, ai tha se kryeministri Edi Rama shoqërohej nga kriminelë, të cilët, sipas tij, nxitën përleshjen. Bardhi renditi të gjithë emrat e anëtarës së bandës që pretendon se i bënë shoqëri Ramës këtë të diel.
“Ne kemi prova dhe fakte të pakontestueshme, dhe mbarë qytetarët e panë, se si persona më precedent penalë ishin sot ekipi i tij në Elbasan. Dua t’i kujtoj Edi Ramës, të deleguarit politik të bandave, Taulant Ballës, dhe çdo krimineli, se ndryshimi nuk ndalet dot me asnjë instrument dhe se për çdo përpjekje që bëjnë, do të përgjigjen. Edi Rama me aplikimin e planit banditesk, e bëri edhe më të qartë sot për njerëzit se kush janë dy alternativat e 25 prillit. Më poshtë, po paraqes emrat dhe fotot e anëtarëve të skuadrës së Edi Ramës në Elbasan, që dhunuan qytetarët, dhe që janë sot mbështetësit e vetëm që i kanë ngelur në këtë qark e kudo. Sipas radhës, ja disa nga eksponentët e krimit të organizuar që shoqëronin sot Edi Ramën të armatosur dhe nën mbrojtjen e Policisë së Shtetit.
- KELMEND YMER XHAFERRI, ka qënë më parë i dënuar për disa vepra penale dhe i përfshirë në incidentin kundër punonjësve të policisë në Elbasan tek Tregu Ushqimor, duke thyer me forcë postobllokun e policisë.
- NINO, anëtar i krimit të organizuar.
- MARSEL RROKAJ, anëtar i krimit të organizuar dhe djali i Agron Rrokës, drejtori i burgut Elbasan.
- ERIS SKILJA, anëtar i krimit të organizuar.
- NALDI METAJ (i njohur me pseodonimin BABALJA), anëtar i krimit të organizuar.
- GËZIM RUSI, anëtar i krimit të organizuar.”
Në fund, Gazment Bardhi u shpreh se qytetarët e Elbasanit në 25 prill do të zgjedhin ndryshimin dhe jo më Edi Ramën.
