Grupit të opozitarëve që nuk e mirëpritën eurobondin 650 milionë euro që mori Shqipëria ju bashkua edhe Sekretari i Përgjithshëm i PD, Gazment Bardhi.
Ky i fundit reagoi me ironi në “Facebook”, ndërsa llogariti edhe sesi do të ndahen paratë e marra borxh, sipas tij.
“🔴VËMENDJE! “Sukses” i jashtëzakonshëm: Qeveria ka marrë 650 milionë euro borxh! 🔴🔴VËMENDJE! 200 milionë euro Qeveria do t’i përdorë për të shlyer borxhin e vitit 2015! 🔴🔴🔴VËMENDJE! 450 milionë euro Qeveria do t’i përdorë për t’i ndarë me 5 oligarkë në projekte PPP. ❌ Kryeministër i dështuar, me Qeveri të falimentuar, që vazhdon të mendojë vetëm për 5 njerëz dhe ka braktisur 3 milionë shqiptarë.”
Eurobondin 650 milionë euro për Shqipërinë kryeministri Edi Rama e quajti një sukses që sipas tij, do të thotë se tregu financiar shqiptar është i besueshëm.