Barcelona mundi Espanjol 3 me 1 në derbin katalanas të javës së 12 të La ligës, duke rritur diferencën nga Reali ndjekës në 9 pikë, pasi madrilenët ishin pushim në fundjavë si pasojën e shtyrjes së ndeshjes kundër Valencias në transfertë.
Skuadra Blaugrana nuk e vuri asnjëherë në diskutim suksesin në derbi duke konfirmuar diferencat e mëdha në cilësi e organikë me kundërshtarin. Madje yjet e Barcelonës nuk u kursyen edhe në spektakël në këtë duel. Goli i parë i minutës së 12 nxori në pah klasin e djaloshit Lamin Jamal pasimi i mrekullueshëm i të cilit i dha mundësi Dani Olmos që të shënonte golin e avantazhit. 7 minuta më vonë Espanjoll pati një rast fantastik për të ekuilibruar shifrat, por ndërsa e humbi mundësinë u detyra të pranonte avantazhin e dyfishtë të vendasve pesë minuta më vonë në një tjetër aksion Manuel.
Kasado me një shërbim perfekt në vertikalizim dhe Rafinja i vëmendshëm për ta dërguar topin mbi kokën e portierit të Espanjol. Këta të fundit ishin edhe të pafat kur iu anulua një gol për një pozicion jashtë loje thuajse milimetrik. Ndërsa në minutën e 31 ishte radha sërish e Dani Olmos për të realizuar një gol të shkëlqyer nga distanca. Espanjol veç kualitetit të Barcelonës duhet të vuante edhe fatin e keq pasi edhe në pjesën e dytë pati një anulim të një goli sërish për një pozicion jashtë loje milimetrik.
Megjithatë miqtë do të realizonin golin e nderit më në fund me Puado në minutën e 63. Për Espanjol la fushën i dëmtuar në minutën e 40 Marash Kumbulla. Në takimet e tjera të la ligës ranë në sy barazimi shtëpiak i Bilbaos 1 me 1 me Real Betis si dhe suksesi 2 me 0 i Real Sociedad në transfertë me Sevijen. /vizionplus.tv
