Barcelona dhe Arsenal u bënë skuadrat e radhës të kualifikuara për në fazën çerekfinale të uefa Champions League. Katalanasit nuk kualifikoheshin për në 8 më të mirët e Evropës që prej vitit 2020 dhe ia dolën këtë herë të mundnin Napolin në një ndeshje me shumë gola, emocione e spektakël në Spanjë. Pas barazimit 1 me 1 në Itali, blaugranat fituan 3 me 1, edhe pse iu desh të djersinin shumë përballë një Napoli që ndonëse e nisi ndeshjen shumë keq, bëri një ndeshje mjaft pozitive. Vendasit patën një start shpërthyes fillimisht duke kaluar në avantazh me anë të Fermin Lopez…
Pa kaluar 2 minuta, Kanselo dyfishoi, në një aksion ku Rafinja kishte goditur shtyllën….
Mirëpo italianët patën meritën që nuk hoqën nga dorë nga këmbëngulja për të qëndruar në ndeshje duke shkurtuar diferencat në minutën e 30 me anë të shqiptarit nga Kosova, Amir Rrahmani.
Barcelona nën shok, shpëtohet nga portieri Ter Shtegen i mrekullueshëm në goditjen me kokë të Di Lorencops. Në fillim të pjesës së dytë protesta të italianëve për një penallti të padhënë pas kontaktit të dyshimtë mes Kubarsi dhe Osimhen. Pjesë e dytë me lojë të hapur dhe me raste në të dyja portat. Pasi provoi 2-3 herë me Rafinjen, Jamal dhe Levandovskin, Barcelona shpëtoi për mrekulli në rastet e Kvarashkelias dhe sidomos Lindstrom. E me të kaluar ky rrezik, shënuan golin e tretë me Levandoskvin, gol që mbylli ndeshjen dhe çështjen e kualifikimit me katalanasit që fituan 4 me 2 në rezultatin e përgjithshëm.
Shumë emocione edhe në ndeshjen tjeter transmetuar në Tring mes Arsenal dhe Portos. Portugeze4t kishin fituar ndeshjen e parë 1 me 0, rezultat me të cilin topçinjtë fituan ndeshjen e kthimit në Londër duke u kualifikuar vetëm përmes lotarisë së penalltive.
Ndeshje e fortë në Angli, me të zotët e shtëpisë të cilën shënuan golin e vetëm të sfidës në Trosard në minutën e 41. Përpos rasteve të Saka e Gabriel Zhesus edhe në pjesën ë dytë, gola nuk pati dhe dueli edhe pas shtesave shkoi tek penalltitë. Arsenali ishte perfekt Odegard, Haverc, Saka dhe Rajs, por ia fal heroit të vërtetë, portierit Raja i cili priti gjuajtjet e Uendell dhe Galenos duke e kualifikuar skuadrën londineze në çerekfinale. /vizionplus.tv
