Prej më shumë se dy javësh, banorët që kanë hyrë në shtëpitë e reja në njësinë administrative Bubq po përballen me mungesën e ujit te pijshëm.
Në kompleksin e ndërtuar, jo të gjithë ato që kanë përfituar shtëpi kanë hyrë në banesat e tyre, kjo për arsye të ndryshme, por njëra arsye eshte edhe mungesa e ujit të pijshëm.
Vetë banorët thonë se e kanë shumë të vështirë. “Ujin e pijshëm neve e blejmë, jemi ankuar edhe te njësia administrative, por s’kemi marrë përgjigje pozitive”.
Jashtë kamerës, drejtues të kësaj njësie nuk e kanë mohuar si problem, ndërsa sqarojne se do të bëhet gjithçka për ta risjellë ujin, pasi është djegur pompa kryesore.
