Kryeministri Edi Rama zhvilloi mëngjesin e kësaj të diele një takim me drejtuesit e Ministrisë së Mbrojtjes, asaj të Brendshme, Emergjencave Civile, Rezervës së Shtetit si dhe me të gjithë prefektët e vendit.
Gjatë takimit, Ministrja e Mbrojtjes Olta duke bërë bilancet e tërmetit njoftoi se janë ngritur të gjitha grupet e vlerësimit të dëmeve dhe se shumë shpekt do të fillojë puna për të dëmshpërblyer të gjithë qytetarët që janë prekur nga tërmeti.
Nga ana tjetër ministrja bëri me dije se në Tiranë dhe në Durrës janë ngritur dhe shumë qendra strehimi për qytetarët, banesat e të cilëve janë dëmtuar nga tërmeti.
“Shumë familje me fëmijë të vegjël dhe që nuk kanë siguri nga banesat e tyre janë të detyruar të refuzojnë hyrjen në banesë. Grupet e vlerësimit të dëmeve janë ngritur. Janë ngritur shumë qendra që mund të presin të gjithë qytetarët, kryesisht në Tiranë dhe Durrës. Mund të bëhej një punë akoma më e mirë. Të ngremë një orë e më parë grupet e vlerësimit të punës dhe për të siguruar të gjithë qytetarët për t’i dëmshpërblyer”
