E hënë, 16 Nëntor 2026 Film TV deri në 05:45 Në vijim ora 05:45: Takohemi N'vizion Reklamo Kontakt Karriera
Vizion Plus
Politikë

“Ballkani Perëndimor i takon BE-së”/ Ursula Von der Leyen mesazh shpresëdhënës nga samiti në Slloveni

Presidentja e Komisionit Evropian, Ursula Von der Leyen ka folur për mediat para fillimit të samitit me vendet e Ballkanit Perëndimor që ka nisur punimet sot në Slloveni.

Ursula Von der Leyen ka thënë se ky është një samit i rëndësishëm me vendet e Ballkanit Perëndimor. Ndër të tjera ajo është shprehur se vendet e Ballkanit i takojnë familjes evropiane.

“Ne duam të dërgojmë një mesazh të vetëm dhe të qartë që Ballkani Perëndimor i takon Bashkimit Evropian, ne i duam ata në BE dhe familjen tonë evropiane. Ne ndajmë të njëjtën histori dhe të njëjtat vlera”, ka thënë Von der Leyen.

Ndër të tjera ajo ka shtuar se 6 vendet kanë bërë shumë reforma dhe se duhet ende punë në sundimin e ligjit, lirinë e mediave, etj.

“Ne duam t’ju tregojmë se sa shumë kujdesemi për ta dhe se ne jemi partneri favorit për ta”,-ka thënë ajo.

Vazhdo të lexosh

Reklamë