Kryetari Grupit Parlamentar të Partisë Socialiste Taulant Balla në emër të Grupit Parlamentar të PS ka shprehur ngushëllimet për ndarjen nga jeta të Mesarete Imeraj, veteranes së palodhur të Luftës Antifashiste Nacional Çlirimtare.

 

Përmes një postimi në rrjetin social facebook Balla shkruan se Imeraj e cila u nda nga jeta në moshën 95-vjeçare, është padyshim mishërimi i partizanes trime që vuri lirinë e atdheut mbi gjithçka.

 

Sipas Ballës filmi “Malet me blerim mbuluar” nuk ka qenë një fantazi e skenaristit, por historia e jetuar e partizanes Mesarete Imeraj dhe shokëve të saj të armëve, një numër shumë i madh i të cilëve dhanë jetën e tyrë për Çlirimin e Atdheut.

 

Postimi i plotë i Taulant Ballës: 

“Lamtumirë “Lilo Labja” jonë! Mesarate Imeraj u nda nga jeta në moshën 95 vjeçare, ajo ishte një partizane e plagosur rëndë në luftimet me pushtuesit dhe më pas një veterane e palodhur e Luftës Antifashiste Nacional Çlirimtare. Filmi “Malet me blerim mbuluar” nuk ka qenë një fantazi e skenaristit, por historia e jetuar e partizanes Mesarete Imeraj dhe shokëve të saj të armëve, një numër shumë i madh i të cilëve dhanë jetën e tyrë për Çlirimin e Atdheut. Në emër të Grupit Parlamentar Socialist isha sot në familjen Imeraj-Karagjozi për t’i shprehur ngushëllimet për humbjen e njeriut tyre të dashur.

Leave a Reply

Your email address will not be published. Required fields are marked *