E hënë, 16 Nëntor 2026 Takohemi N'vizion deri në 06:55 Në vijim ora 06:55: 7 PA 5 Live Reklamo Kontakt Karriera
Vizion Plus
Kosova

Baerbock e konsideron shqetësuese situatën në Ballkan teksa niset drejt Shqipërisë

BERLIN, GERMANY - DECEMBER 23: German Foreign Minister Annalena Baerbock speaks to the media as she makes a statement on Afghanistan at the Foreign Office on December 23, 2021 in Berlin, Germany. (Photo by Michael Sohn - Pool/Getty Images)

Ministrja e Jashtme e Gjermanisë, Annalena Baerbock do të udhëtojë të enjten në Shqipëri, në kohën e rritjes së tensioneve mes Kosovës dhe Serbisë.

 

Baerbock do të bisedojë me liderët e dy vendeve dhe do të vazhdojë t’iu bëjë thirrje palëve që t’i ulin tensionet, në margjina të një takimi me ministrat e Jashtëm të Ballkanit Perëndimor, ka thënë zyra e Ministrisë së Jashtme gjermane.

 

Reklamë

Takimet në Shqipëri do të mbahen në kuadër të “Procesit të Berlinit”, i lansuar më 2014 për të promovuar bashkëpunim në mes të gjashtë shteteve të Ballkanit Perëndimor.

 

Kriza e fundit mes Kosovës dhe Serbisë është përshkallëzuar pas sulmit ndaj Policisë së Kosovës nga një grup i armatosur serb në Banjskë të Zveçanit më 24 shtator.

 

Si pasojë e sulmit është vrarë një zyrtar policor ndërsa në shkëmbim e sipër të zjarrit janë vrarë edhe tre sulmues.

 

Baerbock ka thënë se situata në rajonin e Ballkanit është “shqetësuese”.

 

“Serbia ka për detyrë të bëjë thirrje për heqjen dorë nga dhuna”, është cituar të ketë thënë ajo.

 

Sipas saj, shenjat fillestare që ushtria serbe e ka zvogëluar prezencën në kufi me Kosovën përbën hap fillestar të rëndësishëm, mirëpo duhet marrë edhe hapa shtesë drejt uljes së tensioneve.

 

Ndërkohë, një zëdhënës i Ministrisë së Mbrojtjes në Gjermani ka thënë se aktualisht nuk ekzistojnë plane për rritje të numrit të ushtarëve gjermanë, të angazhuar në Kosovë, në kuadër të misionit të NATO-s në Kosovë, KFOR.

 

Aktualisht në kuadër të misionit të KFOR-it janë të angazhuar 71 ushtarë gjermanë./REL/

Vazhdo të lexosh

Reklamë