Tre ditë më parë, më 26 janar, pesë spitale përfituan Kartën e Autonomisë Menaxheriale. Bëhet fjalë për spitalin “Nënë Tereza”, spitalin e Lezhës, Durrësit, Vlorës dhe Shkodrës.
Kryeministri Rama, i cili ishte i pranishëm në Fier tha se në të gjithë spitalet që do të pajisen me kartën e autonomisë menaxheriale, mjekët do të kenë mundësi të punojnë edhe jashtë orarit duke ofruar shërbim ekstra për të cilin do të marrin 70% të pagesës ndërsa vetë spitali merr 30%.
Por doktori, Pirro Prifti, në studion e “Quo Vadis” të moderuar nga Pranvera Borakaj mendon se ky ligj nuk mund të realizohet. Sipas dr.Priftit, në spitale është investuar shumë përgjatë viteve, por mungon kontrolli.
Pirro Prifti: Ligji nuk mund të realizohet praktikisht. Autonomia spitalore është bërë për të ridimensionuar menaxhimin spitalor dhe rirregullimin e financave. Nuk është puna se autonomia spitalore do ndikojë te kujdesi ndaj pacientit. Është një përpkje për të rregulluar funksionin e spitaleve publike. Gjatë këtyre viteve është investuar shumë në spitale. Por mungon kontrolli ndaj punës që bëhet në spitale publike dhe mungon menaxhimi i spitaleve. Të gjithë spitalet publike tn BE dhe Amerikë funksionojnë ndërmjet bordeve. Nuk i kontrollon vetëm një drejtor. Spitalet publike duhet të furnizohen nga një qendër e madhe. Problemi është te buxheti, i icli është keqpërdorur. Sistemi shëndetësor publik në raport me spitalin privat ka dështuar. Njerëzit nga halli po shkojnë drejt privatit. Edhe po të shkojnë në spital shtetëror, edhe aty do harxhojnë para ndpërmjet mitmarrjes. Spitalet private janë ndërtuar për konkurrencë dhe për të rregulluar disa funksione që spitalet publike nuk i kanë./vizionplus.tv
