Australia arriti më në fund të marrë tri pikët e para në Botëror, duke mundur 1 me 0 Tunizinë, në ndeshjen e parë të së shtunës.
Kangurët reaguan pas humbjes 4 me 1 përballë Francës.
Golin e vetëm për australianët e shënoi Duke, në minutën e 23-të, duke i mbajtur kështu gjallë shpresat e skuadrës së tij për të kaluar grupin.
Sulmuesi goditi bukur me kokë me shpinë nga porta, duke zënë në befasi portierin kundërshtar.
Tunizia nuk arriti të tregonte ndonjë formë të mirë, dhe pse pati dy raste me Msakni dhe Drager për të barazuar shifrat, por në fund nuk ia doli dot.
Në fraksionin e dytë “Kangurët” iu afruan golit me Leckie, por fati nuk i ndihmoi dhe në fund rezultati mbeti i pandryshuar.
Tunizia është praktikisht jashtë Botërorit, me vetëm një pikë. Ndërkohë që Australia do të duhet të përballet me Danimarkën për të luftuar për vendin e dytë në grupin D.
