Një 21-vjeçar është arrestuar nga policia, i akuzuar si bashkëpunëtor në sulmin me tritol në makinën e Mirash Gjikolës në Sarandë.
Gjatë kontrollit në banesën e të riut, është gjetur një pistoletë si dhe municione pa leje.
Sipas policisë, në muajin shkurt të këtij viti, 21-vjeçari ndihmoi dy autorët kryesorë të ngjarjes, Griseld Taullaj dhe Xhafer Bajo, të cilët janë ende në kërkim.
Në bashkëpunim me njëri-tjetrin, ata tentuan të vrisnin 57-vjeçarin, Mirash Gjikola, për hakmarrje.
