Atentat vëllait të “të fortit”, qytetari u qëllua kur doli nga xhamia në Bulqizë, u shpëtoi plumbave
Të shtëna me armë zjarri janë regjitruar pasditen e kësaj të premteje në lagjen e re të qytetit të Bulqizës.
Dyshohet se një person i paidentifikuar ende nga policia ka qëlluar me armë zjarri drejt një personi tjetër i cili po dilte nga ambjentet e xhamisë.
Burime bëjnë me dije se shënjestër e atentatit ka qenë shtetasi Luan Tërnova.
Ky i fundit mësohet se pasi ka raportuar ngjarjen është paraqitur në komisariatin e Bulqizës për të denoncuar rastin.
Nga kontrolli i territorit, në aksin rrugor Qafa e Buallit-Klos, është gjetur i djegur një motomjet që dyshohet të jetë përdorur nga autori.
Luan tërnova është vëllai i Fadil Tërnovës i shpallur në kërkim për disa vepra penale si “Përndjekje”, “Kanosja”, “Mosbindje ndaj urdhrit të punonjësit të rendit publik’’ , “Shkatërrim i pronës’’.“Heqja e paligjshme e lirisë”, “Shtrëngim për dhënie pasurie” etj.
