Arsenali shtang Manchester Cityn dhe ‘’fluturon’’ ne finale te FA CUP. ‘’Nxënësi’’ Mikel Arteta ka triumfuar 2-0 përballë ‘mesuesit’ të tij Pep Guardiola në stadiumin bosh, por magjik te Wembley-it.
Edhe pse ‘qytetarët’ dominuan takimin me raste dhe mbajtjen e topit, topçinjte u treguan me te sakte ne shfrytezimin e mundesive qe krijuan.
Ishte pikerisht Pierre Emerrick Aubameyang i cili arriti te shenoje nje dopiete duke iu siguruar londinezeve nje bilete ne finale. 31-vjeçari nga Gaboni zhbllokoi fillimisht shifrat ne minuten e 19’ ku pas nje krosimi nga e djatha te Nicolas Pepe, nuk gaboi dhe çoi topin ne rrjete duke percaktuar rezultatin e pjeses se pare ne 1-0.
Me fillimin e pjeses se dyte, ekipi i Guardioles, rriti presionin ndaj londinezeve dhe provoi te çonte ne barazpeshe rezultatin e takimit por pa rezultat. Arsenali gjeti golin e qetesise ne minuten e 71’ ku serish Aubameyang, fale nje kundersulmi te shpejte, çon serish topin ne rrjete duke kaluar topin poshte kembeve te Ederson.
Me kete fitore topçinjte rikthehen ne finale te FA CUP pas tre vjetesh, ku do te presin ne 1 gusht fituesin e ciftit tjeter gjysmefinalist, Manchester United – Chelsea te cilet do te luajne sot ne mbremje.
