Aksioni i Policisë Rrugore gjatë fundjavës ka vënë në pranga një 43 vjeçar.
Shtetasi me iniciale N.D., është ndalur në rrugën “Ali Demi” dhe pas testit, ka rezultuar në gjendje të dehur.
43-vjeçari ka qenë duke drejtuar mjetin në një gjendje të rënduar, me masën e alkoolit në gjak, 0.9 mg/l, çka ka bërë që ai të arrestohet dhe të kalojë për veprime të mëtejshme.
Ndërkohë apeli i ripërsëritur i policisë rrugore është që të mos drejtohet mjeti në gjendje të dehur, pasi ka pasoja për vetë drejtuesin e mjetit dhe të tjerë që mund të bien viktima të aksidenteve të mundshme.
