Një punonjës i Gardës së Republikës është arrestuar këtë të martë, pasi akuzohet për kryerjen e veprave penale “shpërdorim i detyrës dhe kanosja”.
Në pranga përfundoi D.K, 44 vjeç. Sipas njoftimit të SHÇBA, punonjësi i gardës është konfliktuar fizikisht për motive të dobëta me klientët dhe pronarin e një lokali në rrugën “Elez Isufi” në Tiranë dhe më pas i ka kërcënuar ato me armën e shërbimit.
Nga hetimet paraprake rezulton se 44-vjeçari duke qenë jashtë shërbimit, ka konsumuar pije alkolike në ambientet e lokalit dhe më pas është konfliktuar me klientët dhe pronarin e lokalit, të cilët kanë arritur t’i heqin armën nga dora duke e neutralizuar.
