Arrestohen hajdutët e biçikletave dhe motomjeteve elektrike në Tiranë

Policia e Tiranës ka arrestuar dy persona, autorë të dyshuar të disa vjedhjeve në kryeqytet.

Në pranga kanë rënë shtetasit E. S., 26 vjeç dhe A. Z., 32 vjeç, të dy banues në Tiranë.

Këta shtetas dyshohet se kanë vjedhur në 4 subjekte, si dhe se kanë vjedhur 5 motomjete elektrike dhe biçikleta.

Policia po punon për zbardhjen e vjedhjeve të tjera që mund të kenë kryer ata./vizionplus.tv