Arrestohen dy vrasësit e të riut

Policia e Kurbinit arrestoi dy autorët e përfshirë në vrasjen e 20 vjeçarit Ervis Zyba dy ditë më parë në një lokal nate në fshatin Gjorm të Kurbinit. Në pranga ranë Elgert Cara, 19 vjeç dhe Dorjan Cara, 25 vjeç, që të dy të akuzuar për vrasjen e te riut si dhe per armëmbajtje pa leje. Sipas policisë, Zyba u vra për shkak të një konflikti që kishte shoku i tij, me të cilin ishte në lokal natën kur humbi jetën. Nga hetimet rezultoi se, Xhevahir Lika dhe Elgert Cara ishin të përfshirë në një konflikt për motive të dobëta që rreth nje viti me pare, por që përfundoi me vrasjen e Ervis Zybës.