Policia e Shkdorës ka arritur të zbardhë vrasjen e Nard Polisë dhe të identifikojë autorët e kësaj ngjarjeje.
Tre shtetas janë arrestuar si bashkëpunëtorë të dyshuar në krim dhe është shpallur në kërkim autori vrasjes.
Sipas policisë janë arrestuar shtetasit:
- T., 26 vjeç, banues në lagjen “Skënderbeg”, Bashkia Shkodër.
- T., 29 vjeç, lindur dhe banues në lagjen “Skënderbeg”, Shkodër.
- M., 20 vjeç, banues në fshatin Bardhaj, Shkodër.
Ndërsa është shpallur në kërkim shtetasi K.S., 27 vjeç I cili dyshohet të jetë dhe ekzekutori I Nard Polisë.
Arrestimi i tyre u bë pasi gjatë hetimeve intensive të kryera nën drejtimin e Prokurorisë Shkodër, rezultoi se shtetasit e lartpërmendur dyshohen se drejtpërdrejt me veprimet e kryera kanë mbështetur me logjistikë dhe armatim vrasësin e Nard Polisë.
Forcat blu gjatë hetimit arritën të siguronin prova materiale dhe shkencore të cilat mundësuan dhe arrestimin e autorëve të dyshuar.
Gjatë veprimeve hetimore u bë i mundur gjithashtu dhe sekuestrimi I automjetit që u përdor nga autorët gjatë ndjekjes së viktimës dhe largimit të ekzekutorit. U sekuestruan gjithashtu 7 telefona, 17 fishekë të kalibrave të ndryshëm, targa të ndryshme automjetesh shqiptare dhe të huaja dhe dokumenta të ndryshme.
Shtetasit e arrestuar akuzohen për veprën penale “Vrasje me paramendim e kryer në bashkëpunim” dhe “Prodhimit dhe mbajtes pa leje të armëve dhe municioneve luftarake”.