Policia e Durrësit ka arrestuar tre shtetase kineze në kuadër të operacionit “Space”.
Shtetaset kineze akuzohen se kishin marrë me qira një apartament në lagjen nr. 13, Plazh dhe e kishin përshtatur për të ushtruar prostitucion.
Gjithashtu, në kuadër të këtij operacioni janë proceduar penalisht 5 shtetas, për veprën penale “Prostitucioni”.
Konkretisht u vunë në pranga shtetaset kineze M. Y., 41 vjeçe, J. B., 43 vjeçe dhe L. H., 47 vjeçe.
U proceduan penalisht shtetasit A. Gj., O. Ll., V. N., A. K. dhe A. G.
Nga hetimet e kryera rezultoi se 3 shtetaset kineze kishin marrë me qira një apartament në lagjen nr. 13, Plazh, Durrës, dhe e kishin përshtatur për ushtrimin e prostitucionit.
Gjatë kontrollit në ambientet e apartamentit, u gjetën dhe u sekuestruan në cilësinë e provës materiale: 3 pasaportat e shtetaseve kineze, një shumë parash e dyshuar e përfituar nga prostitucioni, 8 celularë dhe 11 karta të bankave të Republikës së Kinës dhe të Emirateve të Bashkuara Arabe./vizionplus.tv
