Këtë të shtunë Gjykata e Durrësit vendosi “arrest me burg” për Dezdemon Pazaja, Sali Ferrollari dhe Fatjon Baçi, pas arratisjes së Altin Ndocit nga IEVP Durrës.
Zaçe Islami, avokati i ish-zv.shefit të Policisë së Burgut të Durrësit, Dezdemon Pazaj, tha për mediat se klienti i tij është i pafajshëm.
Lexo edhe :
Ai shtoi se Pazaja nuk është akuzuar me një nen konkret, ku thuhet se ka shkelur një ligj të caktuar.
Zaçe Islami nënvizon se Dezdemon Pazaj, teksa ka qenë në krye të detyrës, i ka zbatuar të gjithë protokollet dhe nuk është përgjegjësi e tij se çfarë ndodh jashtë mjedisit të burgut.
Zaçe Islami: Shpërdorimi i detyrës ka qindra artikuj brenda. Nuk ka ndonjë gjë konkrete, të saktë të paktën për klientin tim ku thuhet se ke shpërdoruar detyrën dhe ke shkelur këtë ligj. Unë kërkova arrestim të paligjshëm. Klienti im miratoi atë që thashë unë, është i pafajshëm dhe s’ka asnjë përgjegjësi dhe nuk është akuzuar me një nen konkret – ku thuhet se ke shkelur këtë gjë. I ka zbatuar të gjithë protokollet, se çfarë ka ndodhur jashtë burgut ai nuk ka përgjegjësi.
/vizionplus.tv
