Arben Shkodra, përfaqësues nga Bashkimi i Prodhuesve Shqiptarë, mendon se mungon dialogu mes bizneseve dhe qeverisë.
Sipas tij, gjatë periudhës së pandemisë, ka patur takime mes dy palëve, por jo dialog të vërtetë.
Shkodra deklaroi nga studioja e emisionit “E-Zonë” në “Vizion Plus” se paketat e qeverisë për biznesin e vogël bëhen për qëllime elektorale.
“Ne nuk bëmë të paktën atë që bëri Maqedonia e Veriut. Ajo që në javën e parë ngriti Këshillin Ekonomik dhe gjithccka ishte dialog mes palëve sociale, qeverisë dhe sipërmarrësit. Ne nuk u ulëm në dialog, ne nuk thamë që kur ata e ndërtuan mekanizmin, nuk është funksional. Ne ja thamë në televizion, por nuk ja tha thamë në tryezë. Paketa për biznesin e vogël janë paketa elektorale, janë paketa që e deformojnë sistemin fiskal, tregun dhe mënyrën e të bërit biznes. E kanë deformuar gjithë jetën. Në këto 30 vite deformime për t’i shkuar biznesit të vogël që është votë. Biznesi i madh ka qenë gjithmonë i vetërregulluar. Nuk mund të lëmë në vetërregullim në një kohë të jashtëzakonshme biznesin e madh.”
Sa i takon garancisë sovrane, që qeveria ka menduar si mbështetje për biznesin e madh, Arben Shkodra deklaroi se edhe ajo duhej të financohej nga qeveria. Kjo pasi sipas tij, kreditë janë të shtrenjta.
“115 mijë nipte që përmban ekonomia shqiptare, kush përfitoi nga gatacia e parë shtetëropre dhe ajo e dytë? Nha garancia e parë shtetërore nuk u aksesua për 1 muaj e gjysmë, nuk kishim akses sepse bankat ishin të paqarta. Aksesuan 700-800 kompani. U dizenjua keq. Garancia e dytë është e shtrenjtë. Ne po vuajmë pasojat e asaj politike të munguar bankare. Ne u falëm tek bankat e nivelit të dytë që përgjigjen përpara aksionerëve dhe natyrisht që kreditë i kanë të shtrenjta. Qeveria duhet të kishte futur tek plani i mbështetjes që edhe garancinë e dytë shtetërore ta kishte mbuluar shtetin. Ka munguar dialogu me një platformë gjithëpërfshirëse.”
Arben Shkodra vlerësoi se gjendja ekonomike është në rënie të lirë.
