Në ceremoninë e memorandumit të bashkëpunimit me Kombet e Bashkuara, zv.kryeministri Arben Ahmetaj u shpreh se Shqipëria është duke kaluar përmes dy goditjeve të mëdha, tërmeti dhe pandemina. Ai tha se qeveria la askënd pas gjatë këtyre goditjeve dhe iu është gjendur pranë familjeve në vështirësi.
Ahmetaj iu përgjigj edhe opozitës, ku tha se varfëria në vend nuk ulet me fjalë të ngrohta e populizëm, por me reforma.
“Duke parë sfidat e mëdha, dhe për mua një rrezik ku populizmi injorant kthehet në politikë trendi apo tërheqëse atë ditë njerëz, qytetarë të angazhuar si unë e ju, duhet të flasë për reforma, varfëria nuk ulet as me fjalë të ngrohta e të bukura të mira, populliste për të varfërit.”
Më tej, Ahmetaj bëri me dije se me buxhetin e vitit 2022, për 15 mijë familje do të dyfishohet ndihma ekonomike.
“Me shumë modesti e jo pak krenari them se kemi avancuar paketa shumë të rëndësishme për ata më në nevojë. Janë 15 mijë familje me 3 fëmijë nën 18 vjeç që marrin ndihmë ekonomike, do ua dyfishjmë ndihmën.”
