Deputeti demokrat Flamur Noka ka deklaruar nga Kuvendin se 75 mijë punonjës të administratës publike, janë kthyer në militantë të partisë në pushtet.
Për këtë, ai tha se nënpunësit kanë shkarkuar aplikacionin ‘Aktivisti’ nën presion nga ana e drejtorëve dhe ministrave.
Aplikacioni ‘aktivisti’ sipas Nokës është sajuar për krijimin e një rrjeti propaganda dhe se ‘shkrin’ në një militantin e partisë dhe punonjësin e shtetit.
“75 mijë punonjës të shtetit shqiptar e kanë shkarkuar këtë aplikacion. Këta punonjës çfarë janë? A ka dijeni zonja që drejtorët, ministrat i kanë terrorizuar punonjësit e shtetit për të plotësuar me detyrim ose për t’u larguar nga vendi i punës në administratën shtetëore. Koncepti i Aktivistit bën në 1 punonjësin e shtetit me militantin e partisë. A është ky standarti i Administratës Publike? Nënpunësi civil si term është i likujduar dhe mbetet vetëm në letra, pasi me Rilindjen në pushtet është shndërruar në militant, qoftë me dëshirë apo jo. Është gjë e thjeshtë të vish e të flasësh dokrra këtu. Por termi DAP në Shqipëri është inekzistent”-tha Noka.
Nga ana tjetër, ministrja Ekonomi iu përgjigj duke thënë se aplikacioni ‘Aktivisti’ mund të përdoret nga secili person dhe se nuk ka lidhje me kontrollin e punonjësve të administratës publike.
“Aktivisti nuk ka lidhje me systemin që menaxhon DAP. Përderisa kemi 75 mijë persona që e kanë shkarkuar do të thotë se është i sukeseshëm. Mund të jesh edhe anëtar i PD dhe të hysh në aplikacion. Ata që e shkarkojnë e bëjnë sepse aty tregohet për aktivitetet që bën PS”-tha Ekonomi.
Replikat mes Flamur Nokës dhe Milva Ekonomit erdhën pas prezantimit nga kjo e fundit të raportit të Administrtës Publike në Kuvend.
