Gjykata e Posaçme e Apelit ka rrëzuar ankimin e bërë nga Ajola Xoxa kundër vendimit të kontrollit personal.
Në të njëjtin vendim të gjyqtares Ilirjana Olldashi, Apeli ka rrëzuar edhe ankimin e bërë nga Arbër Veliaj, vëllai i kryebashkiakut, dhe dy kompani kundër vendimit për kontroll.
Një ditë më parë, Xoxa dha shpjegime për gati 3 orë në SPAK, për llogari të një hetimi për “korrupsion” të nisur nga kjo strukturë.
Gjykata e Posaçme refuzoi pak ditë më parë kërkesën e saj dhe të vëllait të kryebashkiakut, Arbër Veliaj, për t’u kthyer sendet e sekuestruara nga SPAK gjatë kontrollit të ambienteve në pronësi të tyre.
Ndërkohë, avokatët pretendojnë se kontrollet janë kryer në shkelje të ligjit procedural.
