Pezullimi i Lojërave Olimpike të Tokios për momentin nuk është në axhende. Lajmi u bë i ditur nga presidenti i Komitetit Olimpik Nderkombëtar në nje interviste të dhënë për “New York Times”.
Tomas Bach deklaroi se për tani për tani nuk ka arsye përse të shtrohet ky diskutim për anulimin e ketij evenimenti të madh.
“Nuk e dime sesi do të jetë situata deri në fund të muajit korrik. Po flasim per nje distancë katër muaj nga ky moment kështu qe anulimi i Lojërave nuk eshte në axhende. Ndonese ne si drejtues të Komitetit Olimpik Ndërkombëtar jemi duke mbajtur në vëmendje emergjencën nga koronavirusi dhe po shqyrtojmë pista të ndryshme”, tha Tomas Bach.
Lojërat Olimpike janë i vetmi eveniment i madh sportiv që i ka rezistuar situatës së rënduar nga COVID-19 duke qene se Kampionati Europian e Kupa e Amerikës u shtynë për vitin e ardhshëm ndërsa kampionet e futbollit dhe kupat e Europës janë pezulluar.
Megjithatë atletet olimpike janë të vetmit që lejohen të stërviten ne ambiente të vecuara duke qenë se është ende në fuqi vendimi qe Olimpiada të zhvillohet rregullisht.
