Anglia ndryshon plan, vaksina për të hyrë në lokale dhe punë nga shtëpia
Kryeministri britanik Boris Johnson ka njoftuar vendosjen e kufizimeve të reja, për shkak të përhapjes së variantit Omicron të Covid-19.
Masat parashikojnë përdorimin e certefikates së vaksinimit për hyrjen në diskoteka dhe lokale ku mblidhen grupe të mëdha njerëzish, kthimin e punës nga shtëpia dhe shtrirjen e përdorimit të maskës në shumicën e vendeve të mbyllura.
Kryeministri theksoi se varianti i ri “po përhapet shumë më shpejt” se Delta dhe se rastet e Omicron mund të dyfishohen çdo dy ose tre ditë.
Sipas masave të reja, nga e hëna e 13 dhjetorit britanikët do të këshillohen të punojnë nga shtëpia kudo që të jetë e mundur. Ndërsa detyrimi për të mbajtur maska në ambiente të mbyllura fillon nga e premtja 10 dhjetor dhe këtu përfshihen teatrot dhe kinematë.
Leja e gjelbër do të prezantohet brenda një jave. Zbatimi i një plani alternativ ndaj bastit të të ashtuquajturit Plan A, i fokusuar i gjithi në fushatën masive kombëtare të vaksinimit, vjen pasi ekzekutivi ishte përpjekur ta shmangte atë pavarësisht indikacioneve të shkencëtarëve për të vendosur më shumë kufizime.
