Vijon të rritet numri i të prekurve nga virusi COVID-19 në Korçë. Rasti i fundit është ai i një 70 vjeçari i cili ka rezultuar pozitiv në testin e kryer një ditë më parë.
Burimet tregojnë se ditën e djeshme janë nisur nga Korça drejt Tiranës gjashtë tampon për tu analizuar në Institutin e Shëndetit Publik dhe vetëm një prej tyre ka rezultuar pozitiv ndaj COVID-19.
Nga ana tjetër, burime zyrtare pranë Njësisë vendore të Kujdesit Shëndetsor në Korçë bëjnë me dije se 70 vjeçari i infektuar ka pasur kontakte me dy të moshuarit që rezultuan pozitiv në tre rastet e para në qytetin e Korçës.
Ndërkohë që vijon puna e mjekëve epidemiologë për të gjurmuar kontaktet e afërta të rastit të fundit me qëllim këputjen e zinxhirit të transmetimit.
