Vendet e Amerikës latine kanë nisur fushatën e vaksinimit masiv me produktin amerikano gjerman të kompanive Pfizer dhe BioNtech por edhe me atë ruse, Sputnik V. Ndërsa Brazili, edhe pse ka regjistruar numrin më të lartë të vdekjeve në rajon, ka refuzuar vaksinën, të paktën deri në muajin shkurt.
Në Meksikë 3.000 dozat e para, nga 34 milion të blera kanë mbërritur nga Belgjika, ku ato janë duke u prodhuar. Deri në fund të tremujorit të parë të vitit 2021 planifikohet vaksinimi i të gjithë punonjësve shëndetësorë që janë në vijën e parë të luftës me pandeminë.
Ndërkohë Argjentina është vendi i parë në kontinent që i ka dhënë autorizimin emergjent vaksinës ruse dhe deri tani ka marrë 300 mije doza.
Rusia ka akuzuar vazhdimisht perëndimin se po përpiqet të largojë një rival në tregun fitimprurës të vaksinave në botë, duke shtuar kritikat dhe skepticizmin për sputnik V.
Ndërkohë, Dr. Anthony Fauci, eksperti më i njohur amerikan për sëmundjet infektive ka deklaruar se arritja e imunitetit të tufës mund të kërkojë nivele vaksinimi deri në 90 për qind.
Për këtë cështje vetë OBSH ka qendrime konfuze. Në qershor organizata e ka përcaktuar si process që ndodh pas vaksinimit dhe imunitetit të fituar ndërsa në muajin nëntor ajo ka deklaruar se imuniteti I tufës mund të ndodhë vetëm pas vaksinimit.
Amerika Latine nis vaksinimin, vetëm Brazili e shtyn fushatën deri në shkurt 2021.
