Ambasadori gjerman në Tiranë i bën një apel qeverisë që të marrë seriozisht shqetësimet e biznesit, me qëllim ofrimin e një klime më të mirë ekonomike në vend. Gjatë takimit të përvitshmë të dhomës gjermane të tregtisë, mbi situatën ekonomike në vend, diplomati gjerman përcolli shqetësimin e biznesve anëtare të dhomës, që këkrojnë shumë siguri dhe stabilitet për investim.
PETER ZINGRAF
AMBASADORI GJERMAN NE TIRANE
“Çdo investitor i mundshëm do të marrë vendimin final për të investuar vetëm nëse ai/ajo është i/e sigurt që do të gjejë një mjedis të favorshëm biznesi. Mënyra për të ecur përpara me bisedimet e pranimit në BE përfshin pikërisht elementet që janë thelbësore për çdo investitor, për krijimin e më shumë historive të suksesit dhe, rrjedhimisht, për zhvillimin ekonomik të Shqipërisë. Për vitin 2020 do të doja të inkurajoja të gjithë zyrtarët qeveritarë dhe ligjbërësit që të vazhdojnë në rrugën e reformave dhe të marrin seriozisht shqetësimet e komunitetit të biznesit.”
Një tjetër shqetësim I dhomës gjermane të tregtisë në Shqipëri është emigrimi I punëtorëve të kualifikuar, një fenomen ky I cili ka njohur rritje të vitet e fundit.
STEPHANINE SIEG
PRESIDENTE E DHOMES SE TREGTISE GJERMANE
Emigrimi i vazhdueshëm i forcave të kualifikuara të punës mbetet një problem shumë i rëndësishëm i kompanive anëtare të dhomës. Ne jemi të gatshëm të bashkëpunojmë me Ministrinë e Financave dhe Ekonomisë dhe atë të Arsimit, për të gjetur mënyra që shqiptarët të mund të shohin të ardhmen e tyre profesionale brenda Shqipërisë.
Nga ana tjetër dhoma gjermane e tregtisë kërkon që të realizohet investimi në ndërtimin e linjës hekurudhore Durrës-Rinas-Tiranë si dhe ndërtimi i mëtejshëm i rrugëve, pasi përmirëson sistemin e transportit publik.
