Ambasada ruse në Tiranë nuk ka marrë ende asnjë informacion zyrtar në lidhje me ndalimin e shtetasve rusë pak ditë më parë në Gramsh pas incidentit në objektivin ushtarak.
Në përgjigje të kërkesës së Vizion Plus për të pasur një qëndrim nga Ambasada e Rusisë në vendin tonë mbi këtë ngjarje, drejtuesit e saj përmes një qëndrimi zyrtar bënë me dije gjithashtu se i janë drejtuar Ministrisë së Punëve të Jashtme të Shqiperisë për ta njohur me rastin dhe statusin e personave, shtetasve rus të arrestuar.
Më poshtë përgjigja e plotë e Ambasadës ruse për Vizion Plus.
Përshëndetje,
Ambasada e Rusisë në Shqipëri nuk ka marrë ende asnjë informacion nga
autoritetet zyrtare shqiptare lidhur me ndalimin e shtetasve rusë të dyshuar
për infiltrim më datë 20 gusht 2022 në objektin ushtarak në qytetin e
Gramshit. Misioni diplomatik informohet për incidentin e ndodhur vetëm nga mediat.
Në lidhje me këtë, Ambasada i ka dërguar një notë Ministrisë për Evropën dhe
Punët e Jashtme të Shqipërisë me kërkesën për të vënë në dijeni misionin
diplomatik rus, në mënyrën e përcaktuar, për identitetin e të ndaluarve,
vendndodhjen e tyre aktuale, thelbin e akuzave të ngritura, veprimet e
mëtejshme procesuale ndaj tyre, si edhe mundësinë e organizimit të një
takimi të përfaqësuesit të Degës Konsullore të Ambasadës me shtetasit rusë
të ndaluar.
Me respekt,
Ambasada Ruse nё Tiranё
