Kryeministri Edi Rama reagoi nëpërmjet një postimi në rrjetet sociale mbi lirimin e Alvin Berishës nga kampi i Al Hol në Siri.
Operacioni ndërkombëtar me bashkëpunimin e ngushte te qeverisë shqiptare, asaj italiane, forcave të policisë të dy vendeve dhe organizateve ndërkombëtare u asistua nga afër edhe nga Ministri I Brendshëm I Shqiperisë Sandër Lleshaj.
Kryeministri Rama publikoi pikërisht një foto të Lleshajt me 11 vjecarin shqiptar duke hipur në njëmakine për ta përcjelle në ambasadëm italiane në Bejrut nga ku do të niset drejt Romës.
Rama nuk harron ti falenderojë të gjithë ata që asistuan në këtë operacion shpëtimi që kreu I qeverisë e quan delikat dhe të rrezikshëm. Falenderimin më të madh ai e ka për homoligun italian Conte, I cili sipas Ramës u angazhua personalisht në këtë cështje për palen italiane.
Pas një jave në kufirin sirian, së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut, prej ku vogëlushi shqiptar do të pajiset me dokumentat e nevojshme e do të fluturojë drejt babait në Romë. Një falenderim i veçantë për kryeministrin Giuseppe Conte, i cili u angazhua personalisht në ndjekjen e operacionit për palën italiane. Faleminderit edhe dy organizatave humanitare që u bënë pjesë jetike e këtij operacioni tejet kompleks e të rrezikshëm, pa harruar konsullin e nderit të Shqipërisë në Liban, që luajti një rol të pazëvendësueshëm.
Në fund kryeministri Rama shton se misioni në kampin Al Hol nuk mbyllet këtu me lirimin e Alvin Berishës. Ai shton se janë shumë gra dhe fëmije nga Shqiperia që mbahen peng në kampin-burg, prandaj do të bëhen përpjekje maksimale që ato të kthehen shpejt në Shqiperi.
Por për ne, përpjekja nuk mbyllet këtu, sepse fëmijë e gra nga Shqipëria vazhdojnë të jenë peng në kampin-burg prej ku arritëm të nxjerrim Alvinin…
