Ndryshe nga tensioni që përjetoi në pjesën më të madhe të ndeshjes dhe fytyra e vrenjtur në fund të sfides kur u fut me shpejtësi në dhomat e zhveshjes, trajneri i Juventusit Allegri u duk më i qetë në konferencën për shtyp pas barazimit 2 me 2 ndaj Tottenham në 1/8 e Uefa Champions League.
“Ishim të ndërgjegjshëm për forcën e Tottenham dhe personalisht mendoja që në fillim se kualifikimi do të vendosej në Londër. Pak a shumë kemi qënë 50-50 me shanset e kualifikimit dhe në këto kushte jemi dhe tani. Pas dy golave të shpejte e ulem ritmin me shumë sec duhet dhe u vumë shumë në vështirësi nga Tottenham. Por unë e shoh këtë gjë si normale, u shpreh Allegri i cili nuk i pranon kritikat e forta ndaj të besuarve të tij. “ Juventus luan për të fituar por nuk është favorite ne Champions.
Nuk mund të shkojme gjithnje në finale. Objektivi kryesor është kampionati, më pas në Champions do të tentojme të shkojmë sa më larg. Kemi kohë tani 3 javë të përgatitemi për ndeshjen e kthimit ku do të kemi dhe Dybalen e Matuidi, tani të përqëndrohemi tek kampionati, u shpreh Allegri. Por teknikut 50 vjecar mesa duket nuk i ka mjaftuar konferenca për shtyp dhe ka ndarë një reflektim me miqtë virtuale edhe ne tëitter mbi rezultatin në Torino: “Shpesh harrohet se me cilët rivale luan, e që janë të fortë sidomos në Champions.
Unë jam krenar për atë që lojtarët kanë bërë dhe do të bëjnë, vetëm me entuaziazëm dhe pozitivitet mund të fitojmë, duke nisur nga e diela në kampionat, shkruhej ne postimin e Allegrit.
