Kandidati në listat e PD-së për deputet, Ilir Alimehmeti shprehu hapur në Quo Vadis shqetësimet e tij mbi mënyrën sesi sistemi i drejtësisë po përballet me korrupsionin dhe abuzimet me fondet publike.
Sipas tij, arrestimet e ndërmarra nga SPAK nuk kanë sjellë një ndalim real të fenomenit, duke sjellë si shembull rastin e ish-ministrit Ilir Beqaj.
Pjesë nga biseda:
Borakaj: Kujt i interesonte përgjimi në e-mail të prokurorëve?
Alimehmeti: Unë do të them kush ka interesin më të madh këtu, dhe ai është publiku. Kur vjen puna për korrupsion, këtu dënohesh pasi ke 10 vjet që vjedh. Modeli që jepet këtu është: po vodhe mjaftueshëm dhe mbi një dekadë, disa prej tyre mbase edhe nuk kapen fare. Interesi publik nuk është ky. Interesi publik është të bllokosh abuzimin e fondeve publike dhe ai që vjen pas teje të marrë një rol model.
Borakaj: Me arrestimet e SPAK, mendoni se është frenuar abuzimi?
Alimehmeti: Jo. Po marr rastin Beqaj. Kryeministri shkon dhe e bën drejtor të SASPAC. Po të lësh ujkun, ti varësh mëlçinë në qafë, do vazhdojë të abuzojë. Sot është në arrest me burg. Shembulli që jep Rama është: do vjedhësh shumë dhe ne do të ruajmë në çdo mënyrë dhe ti vazhdo. Modeli i dytë është ai i krimit elektoral. Bëj krimin ti, se ne kismet mund të arrestojmë pasi të jetë bërë gjithë dëmi.
Borakaj: Flitet edhe këtë vit që pas zgjedhjeve do ketë arrestime të tjera
Alimehmeti: Po pra, pas dëmit.
/vizionplus.tv
