Drejtuesi i Fushatës së Partisë Demokratike Alfred Rushaj u takua këtë të enjte me banorë të zonës së ish-Kinostudios në Tiranë. Sipas tij, 90 familje rrezikojnë të mbeten jashtë pas tërmetit për shkak të ekspertimeve kontradiktore.
“Përveç shkallës së parë që ka nevojë për riparime, kurse shkalla jonë vetëm diçka ka, të rregullojmë parapetat 1, edhe të suvatohet pallati. Babai im ka qenë brigadier këtu. Ti si mendon ndonjëri këtu se unë jam budalla të rri në shtëpi po qe shtëpia e prishur?! Ore, unë do lë kalamaqtë brenda në shtëpi dhe të rri këtu, budalla jam unë?! Ka ndonjë budalla që rri në shtëpinë e prishur?! Unë besoj se s’ka! Si thoni ju?! Ju si thoni?! Mund të jetë një po jo 90 familje! 80 familje! Hiq 10 që janë ustallarët etj, 70 familje nuk janë budallenj! Se pallatin e ka bërë babai im dhe ky zotëria këtu! Po thanë ata që do prishet unë jam i pari që do iki! E para. Edhe në rast se këta 10 veta do ta nxjerrin pallatin që do prishet, dakord! Më sill një avokat këtu dhe një notere që të bëjë noterinë këtu e ta prishin pallatin, unë shtëpinë e dua prapë këtu, pallati do bëhet prapë kaq sa është, 5 kate, prapë me 9 shkallë dhe çdonjeri të marrë sa metra të kemi, asnjë centimë më tepër! Jam në rregull?! Jo të prishet! Të ma marrin, se duan ta marrin këta, dihet se kush janë! Në rast se duan ta nxjerrin që ta prishin, më sill një avokat këtu, firmën kush është ustai, të bëjë noterinë me mua këtu. Unë e dua prapë shtëpinë ku e kam te shkalla 7, kati 2! Unë nuk dua lekë në dorë fare!”, denoncoi një prej banorëve.
Alfred Rushaj nga ana tjetër tha se ligji është shkelur me të dyja këmbët sepse teksa pallati duhet shembur, banorët janë lejuar të jetojnë brenda. Ai u shpreh i gatshëm për të bërë kallëzim penal për këtë çështje.
