Pasi Rama paralajmëroi rritjen e çmimit të energjisë, Basha prezantoi dje shtatë prioritetet që sipas tij janë të domosdoshme në këto momente. Për sekretarin e Përgjithshëm të Shoqatës së Prodhuesve, Arben Shkodra, dalja e menjëhershme e kryedemokratit ishte i parakohshëm.
“Dalja e kryetarit të opozitës me shtatë pika, katër prej të cilave nuk kishin asgjë teknike, për mua ishte shumë e parakohshme. Ne sot kemi nevojë për transaprencë. Kishim nevojë për transparëncë në deklaratën e kryeministrit, siç po diskutojmë. Para një krize, duhet të ketë transparencë”, deklaroi ai në “Quo Vadis”.
Nga ana tjetër, pedagogu Rezart Prifti e quajti planin me shtatë pika aspak serioz.
“Plani me shtatë pika i opozitës prezantuar ditën e djeshme, gomarllek. Jashtë kontekstit, qoftë praktik, qoftë nga ana e ekspertizës, qoftë edhe komunikimi publik. E para, nuk është profesionist që të japë shtatë pikat. Merrni ekspertë, nxirrni një dokument serioz, dhe bëjeni diçka serioze. Nuk ka kredibël, çfarë përfaqëson ai.”
