Alarmi global ka sinjalizuar një përshkallëzim të klimës tashmë të tensionuar në Lindjen e Mesme me frikën e një konflikti të gjerë më të dukshëm se kurrë.

Kjo përfshin kthimin e nxituar në Uashington të Presidentit amerikan Joe Biden nga udhëtimi i tij në shtëpinë e tij në Delaware, ku kishte shkuar për fundjavë, në mënyrë që të takohej me ekipin e sigurisë kombëtare të Shtëpisë së Bardhë për një përditësim mbi tensionet e vazhdueshme në Lindjen e Mesme.

Në Uashington ata janë të përgatitur për më të keqen, por në të njëjtën kohë për skenarin më të mirë, që për momentin është një goditje nga Irani, e cila mund të mos jetë aq e fortë dhe mund të mos e përshkallëzojë situatën, pasi Teherani tashmë ka dërguar mesazhin në SHBA në ditët e fundit.

Është tregues i situatës, megjithatë, dhe sa e ndjeshme është Lindja e Mesme, mesazhi kumbues i Joe Biden se SHBA do të qëndrojë pranë Izraelit.

Megjithatë, në rast të një konflikti ushtarak, përfshirja amerikane nuk është sqaruar se në çfarë mënyre do të ekzistojë – apo jo – pasi SHBA-ja deklarohet “absolutisht e përkushtuar për mbrojtjen e Izraelit”.

Një deklaratë e tillë përkthehet më tepër si një gatishmëri e shtuar e mbrojtjes dhe diplomacisë amerikane, ndërkohë që duket se Shtëpia e Bardhë është tashmë në gatishmëri për të zmbrapsur sulmet ndaj pozicioneve dhe bazave ushtarake izraelite. /vizionplus.tv

Leave a Reply

Your email address will not be published. Required fields are marked *