Akuzohen se spiunonin për Izraelin, autoritetet iraniane ekzekutojnë tre burra
Autoritetet iraniane njoftuan sot se kishin varur tre burra, të cilët i akuzuan se kishin spiunuar në favor të Izraelit, një ditë pasi hyri në fuqi një armëpushim i brishtë që i dha fund 12 ditëve luftë.
“Idris Ali, Azad Sozai dhe Rasoul Ahmad, të cilët u përpoqën të importonin ilegalisht pajisje për të kryer vrasje në vend, u arrestuan dhe u gjykuan për bashkëpunim” me Mossadin, agjencinë e spiunazhit të “regjimit sionist” (Izraelit). “Dënimi i tyre u ekzekutua këtë mëngjes, ata u varën”, tha gjyqësori iranian.
Three Kurdish men were executed this morning on charges of spying for Israel.
Azad Shojaei, Edris Aali, Rasoul Ahmad Rasoul executed for corruption on earth & waging war against god
They were tortured savagely by security forces to make concessions. They rejected the charges pic.twitter.com/r2o4Vm3xkT
— CSHR (@CSHRIran) June 25, 2025
Ekzekutimet u kryen në Urmia (veriperëndim), pranë kufirit me Turqinë, sipas të njëjtit burim, i cili publikoi foto të tre burrave me uniforma blu burgu.
Të hënën, një burrë tjetër që gjithashtu u akuzua si bashkëpunëtor i Mossadit u var.
Autoritetet e Republikës Islamike njoftojnë shpesh arrestimet dhe ekzekutimet e agjentëve të dyshuar të agjencive të huaja të spiunazhit, veçanërisht Izraelit, armikut të betuar të Iranit. Sipas vlerësimeve të OJQ-ve, vendi kryen numrin më të lartë të ekzekutimeve në botë pas Kinës./vizionplus.tv
