Akuzat për lidhje me Habilajt, Krimet e Rënda rrëzojnë ish drejtorin e policisë

Gjykata e krimeve të rënda rrëzon kërkesën e ish drejtorit të policisë Vlorë, Jaeld Çela, i cili ankimoi kërkesën e prokrorisë për të zgjatur hetimet ndaj tij.

Çela së bashku me 3 ish zyrarë të lartë të policisë akuzohen se gjatë kohës që kanë qenë në detyrë, kanë ndihmuar anëtarë të grupit habilaj ne trafikun nderkombetar te droges.

Hetimet për ish zyrarin e lartë përfundojnë më 18 shkurt, ndërsa përfaqësues të organit të akuzës do të kërkojnë sërisht zgjatjen e afatit.

Prej më shumë se një viti, Jaeld Çela është në kërkim ndërkombëtar, dhe ankimimimin në gjykatë e bëri nëpërmjet avokatit mbrojtës.

Si pjesë e kësaj dosjeje, nën hetim është edhe ish ministri i brendshëm Saimir Tahiri, të cilit 4 ditë më parë gjykata i pranoi kërkesën që hetimet ndaj tij të mos zgjaten më, por të përfundojnë brenda datës 10 mars.