Një minator 55-vjeçar u aksidentua paraditen e kësaj të hëne në minierën e Bulqizës.
Bëhet fjalë për A.Gjeta, i cili ka qenë duke punuar, teksa u godit nga gurë në thellësi të nëntokës.
Ai u nxor jashtë nga kolegët e tij, të cilët e kanë dërguar në spitalin e Bulqizës për të marrë ndihmën e parë.
Pas marrjes së ndihmës së parë, 55-vjeçari u nis drejt Tiranës për mjekim më të specializuar.
Pak ditë më parë, një minator humbi jetën, teksa ishte duke punuar në një nga galeritë e kromit në zonën “D”.