Një shqiptar ka humbur jetën dhe dy të tjerë janë plagosur në një aksident të ndodhur mbrëmjen e së shtunës në aksin rrugor që lidh Rivoltan me Pandinon në Itali.
Sipas mediave italiane ngjarja ka ndodhur gjatë mesnatës ku makina tip BMW, me tre shqiptarë në bord doli jashtë rrugës, duke lënë të plagosur rëndë edhe dy personat e tjerë.
Forcat e rendit dhe dy ambulanca shkuan menjëherë në vendin e ngjarjes duke transportuar të plagosurit për në spital. Gjithashtu sipas karabinierëve bëhet me dije se “BMW 335” ishte vjedhur, dhe shpejtësia me të cilën udhëtonin shqiptarët ishte 200 km në orë.
Si pasojë e aksidentit, ka humbur jetën 31 vjeçari shqiptar me iniciale A.K, banues në Cassano d’Adda, ndërsa kanë mbetur të plagosur rëndë dy bashkëkombësit e tij, ku njëri është transportuar për në spitalin e Brescias dhe tjetri në spitalin e Kremones.
